للعداله الإجتماعيه
للكرامه الإنسانيه
هنعمل ثورة إشتراكيه
ثوره تعدم اللي باعوا القضيه
اللي حرموا الإنسانيه
م العداله والحريه
ياللي سديتوا المسامع
ياللي بعتوا في المصانع
حقنا بإيدينا راجع
إضرابات وجيوش تدافع
عن حق كل العمال
تجيب حق رغيف العيش
من حنية ضهر الشيال
أه منك تنكر جميل
لوتدور ع الدليل
حتلاقي إن الشيال
والفلاحين والعمال
دول جدودنا الأولين
اللي زرعوا وصنعوا لينا
لجل نعمر أرض مصر
لجل نعمر أرض بلدنا
لجل نكبر نحمي ولادنا
لجل ندافع عن أعراضنا
واحنا لجل نرد جميل
بعنا عرقهم بالتراب
للأجانب الكلاب
نلعب بعرقهم قمار
تحت مسمي الإستثمار
بعنا حقوقنا للغريب
بعناله مصنع وعقار
بكره هيتمكن ويشيلك
انت وابنك م الديار
الحق فوق قبل ماتنهار
جمع كل طوائف شعبك
والفلاحين والعمال
واعمل ثوره ترجع أرضك
ثوره ترفض الإستعمار
إيدي في إيدك نعمل ثوره
ثوره تبني الأستقلال
ثوره ترفض الإستغلال
ثوره ثوره للحريه
للعداله الإجتماعيه
للكرامه الإنسانيه
ثوره ثوره إشتراكيه
ليست هناك تعليقات:
إرسال تعليق