وبيتك ميدان
ولادك يامصر
ولاد جدعان
هما اللي قدروا
يغيروا الزمان
يامصر انتي حره
ورغم اللي كان
ومهما أهنتوا كرامتي ياساده
بحبك يابلدي وحبك زياده
بقولها بحبك ف يومي ألف مره
دا حبك مرايتي وحبك ده عاده
يامصر انتي بيت
وبيتك ده حضن
بيمحي بأيده دموع اي حزن
تنور سماكي
ويزعق نداكي
ويصرخ ولادك مفيش فينا جُبن
خلاص السكات
معادش يفيد
وطعم الأهات
ده علقم أكيد
ورغم اللي خانوا
وللظلم صانوا
يومهم هييجي
مطين أكيد
ومهما أهنتوا كرامتي ياساده
ومهما حبستوا في صوتي كمان
بحبك يابلدي وحبك زياده
هقولهابحبك لأخر الزمان
اتوضيت بنيلك
تشاوري اجيلك
وسايب عيالي
أمانه في إيدك
وحالف اشيلك
لأخر الزمان
وحاجج لبيتك
وبيتك ميدان
ليست هناك تعليقات:
إرسال تعليق